Европската фудбалска куќа (УЕФА) излезе со официјално соопштение во врска со пеналот што напаѓачот на Атлетико Мадрид, Хулијан Алварез го имаше против Реал Мадрид во реваншот од осминафиналето на Лигата на шампионите, а кој потоа беше поништен по интервенцијата на ВАР.

Аргентинецот се лизна непосредно пред да упати удар, поради што ја допре топката со двете нозе, што не е дозволено. На крајот, „јорганџиите“ беа елиминирани од ЛШ по поразот од „кралевите“ на пенали.

– Атлетико Мадрид се консултираше со УЕФА во врска со ситуацијата што доведе до поништување на пеналот кој Хулијан Алварез го изведе на крајот од вчерашниот натпревар од Лигата на шампионите против Реал Мадрид.

Иако минимално, играчот оствари контакт со топката со права нога пред да ја шутне, како што е прикажано на приложеното видео. Според сегашното правило (Закони на играта, Закон 14.1), ВАР требаше да му сигнализира на судијата дека голот треба да биде поништен.

УЕФА ќе влезе во разговори со ФИФА и ИФАБ за да одреди дали правилото треба да се ревидира во случаи кога двојниот допир е очигледно ненамерен – стои во соопштението на УЕФА.

ВИДЕО | Симеоне за пеналот кој го исфрли Атлетико од ЛШ: Ова никогаш не сум го видел