УЕФА ја претстави топката за финалето во ЛШ
Европската фудбалска федерација и официјално ја претстави топката со која ќе биде играно финалето на овогодинешното издание во Лигата на шампионите.
Препорачано
-
1
-
2
-
3
Топката ќе се вика „Адидас Финале Истанбул 21“ и со неа ќе се одбележи 20-годишнината од првата топка со дизајнот на кој доминираат ѕвездите.
Овој дизајн за прв пат беше претставен 2001 година и е направен по урнекот на логотипот на Лигата на шампионите и многу брзо стана симбол на најквалитетното европско клупско натпреварување.
Новата топка „Адидас Финале Истанбул 21“ ќе се користи во сите елиминациски натпревари, заклучно со финалето во Истанбул кое е предвидено да се игра на 29. мај 2021 година.
⭐ The new #UCL final ball celebrates 20 years of the iconic ‘starball’ design.
⚽ It makes its debut in Tuesday night’s round of 16 matches! pic.twitter.com/5ESTqnVpY5
— UEFA (@UEFA) February 15, 2021
Оваа топка е комбинација од претходните „ѕвездени“ дизајни и целта на УЕФА е да се премости јазот помеѓу минатото и иднината. Со мали црвени банери се одбележени сите градови кои биле домаќини на финалните натпревари во Лигата на шампионите во изминатите 20 години.
Топката е направена со најнова и најдобра технологија, има добра стабилност во воздухот, има термички шестоаголни панели и таа има беспрекорна површина.
