УЕФА денес ги соопшти казните кон Србија и Црна Гора за натпреварот одигран на 27 ми март во Подгорица во рамките од групата Г во квалификациите за Европското првенство.

Навивачите на двете репрезентации во текот на целиот натпревар разменуваа навреди на националната основа, па затоа добија суспензија од по еден натпревар без присуство на публика.

Фудбалскиот сојуз на Србија доби казна од 50.000 евра, а покрај затворениот стадион на 7-ми септември кога ќе ѝм гостува Унгарија, ќе немаат можност да продаваат влезници и за гостувањето против Бугарија на 20-ти јуни. Во соопштението се наведува дека за Србија активирана е условната казна поради навреди од натпревар во Лигата на Нации минатата година.

Црна Гора пред празни трибини ќе игра на 10-ти септември против Бугарија во Подгорица. Паричната казна за Фудбалскиот сојуз на Црна Гора изнесува 20.000 евра.

Поради расизам и дискриминација казни од УЕФА добија и Фудбалските сојузи на Полска и Романија.