УЕФА ги казни Хајдук, Челси и Барса поради финансиски нерегуларности
Европската фудбалска куќа (УЕФА) ги казни Хајдук, Челси, Барселона, Лион, Астон Вила и Рома поради непочитување на финансиските прописи. Челси е најмногу е санкциониран – засега е нејасно дали со 20 или 31 милион евра, со уште 60 милиони условно.
Препорачано
Хајдук беше казнет со 1,2 милион евра, а уште 300.000 евра условно поради деловните операции во претходниот период.
Челси потроши повеќе од 1,2 милијарди фунти во последните три години, ангажирајќи талентирани фудбалери од целиот свет. Лондонските „сини“ избегнаа казни од Премиер лигата со идентификување и искористување на „дупка“ во правилата за профитабилност и финансиска одржливост (PSR).
Нивните лигашки ривали, како што се Евертон и Нотингем форест, мораа да се справат со одземање на бодови поради слични прекршоци. Сепак, наводно, Челси ги продаде хотелите околу својот стадион „Стемфорд Бриџ“, како и женскиот тим, на нивната матична компанија „БлуКо“, со што избегна санкции во Англија.
UEFA SANCTIONS HAJDUK FOR FFP BREACH!
Due to financial results in 2023 & 2024, Hajduk Split has breached UEFA’s Financial Fair Play rules and reached a settlement with UEFA.
🔻 €1.2M fine — €300k unconditional, €900k conditional on financial targets
🔻 3-year probation
🔻… pic.twitter.com/sZmer8KRci— Croatian Football (@CroatiaFooty) July 4, 2025
Интересно е што Астон Вила му се придружи на Челси во користењето слични сметководствени трикови за да избегне проблеми со Премиер лигата, но не успеа да избегне казна од УЕФА. Казнета е Астон Вила со 11 милиони евра и уште 15 милиони евра условно.
Барселона, актуелниот шпански шампион, се соочува со слични проблеми и ќе мора да плати висока казна поради непочитување на финансиските правила. Барса беше казнета со 15 милиони евра, а Лион – кој се соочува со исфрлање од Лига 1 (12,5 милиони), Астон Вила (11 милиони), Хајдук (1,2 милион) и Рома (три милиони) исто така се санкционирани.
🚨 Aston Villa, Barcelona , Chelsea, AS Roma and Lyon are all fined by UEFA for breaching financial Fair Play regulations.
Chelsea: 20M€
Barcelona: 15M€
Lyon: 12.5M€
Aston Villa: 11M€
Roma: 3M€ pic.twitter.com/odds8PEHr6— Fabrizio Romano (@FabrizioRomano) July 4, 2025
Многумина сметаат дека казните не се соодветни за прекршоците – особено во случајот со лондонскиот клуб. Казна од 31 милион евра, со потенцијални 60 милиони условно, се чини како блага опомена за клуб кој веќе потроши над 140 милиони фунти ова лето. Ова доаѓа покрај неверојатните 1,2 милијарди фунти потрошени откако Тод Боели и конзорциумот Клирлејк го презедоа сопствеништвото, што укажува дека првите луѓе на „Сините“ немале доверба во почитувањето на прописите.
