Маж осомничен за убиство на 70 загрозени тигри е уапсен во Бангладеш по 20-годишна потрага.

Хабиб Талукдер, познат како Тигар Хабиб, конечно е фатен по пријавата, откако беа распишани три претходни потерници за него, пренесува Би-Би-Си.

Тој „оперирал“ во шумата Сундарбанс, на границата меѓу Индија и Бангладеш, каде што живее најголемата популација на бенгалски тигри во светот.

Од овој вид на тигари останати се само неколку илјади од нив во дивината, бидејќи нивните крзна, коски, па дури и месо се купуваат на црните пазари ширум светот.

Офицерот Абдул Манан за „Дака трибјун“ изјави дека полициските и шумските служби со години се обидувале да го уапсат Хабиб Талукдер.