Убиецот Коста Кецмановиќ, кој на 3 мај минатата година уби 9 ученици и едно лице од обезбедувањето на ОУ „Владислав Рибникар“ во Белград, сведочеше на судењето на родителите и без чувства го објасни своето однесување по грозоморното злосторство што го извршил.

Како што пренесуваат српските медиуми, Коста изјавил дека една од причините поради која тој го сторил злоделото е бидејќи тој се чуствувал отфрлен од децата.

– Се чувствував отфрлен и затоа го направив тоа. На 3 мај донесов пиштол за да го направам тоа, но не бев до крај сигурен дека ќе пукам  изјавило денеска во судницата момчето Коста Кецмановиќ во сведочењето во процесот против неговите родители.

Како што пишува српски „Блиц“, тој на рочиштето кажал дека масакрот го извршил и поради неговата мајка Милјана Кецмановиќ, која инсистирала тој да биде најдобар од сите.

Како што дознава „Блиц“, при влегувањето во судницата не ги погледнал родителите, а кога му се обратила мајката на едно од убиените деца, која му поставувала прашања, наеднаш му се слошило, па морал да седне.

Момчето-убиец кое на 3 мај минатата година го изврши масакрот во основното училиште „Владислав Рибникар“, денеска, како што потврди „Блиц“, за масакрот ја обвини својата мајка Милјана Кецмановиќ.

– Мајка ми постојано бараше да бидам најдобар. Се лутеше и викаше кога не бев најдобар. Бидејќи постојано бараше повеќе од мене,  јас бев лут на неа. Нејзиното однесување влијаеше на мене да го направам тоа што го направив. Ако ги немав пиштолите на татко ми, немаше да го сторам ова – изјавил тој.

Ова, според неофицијални информации,  денеска го изјавил малолетниот убиец од ОУ „Владислав Рибникар“ пред Специјалниот суд во Белград, за време на сведочењето во судската постапка против неговите родители Владимир и Милјана Кецмановиќ.

Момчето-убиец кое на 3 мај минатата година го изврши масакрот во ОУ „Владислав Рибникар“ се најде лице в лице со семејствата на своите жртви, но и со своите родители со кои оттогаш му беше забрането да комуницира.