Вчера во близина на грчко-македонската граница кај Стојаково, полицијата уапсила жител на прилепското село Црнилиште, кој во неговиот автомобил „Пежо 407“ возел дури 18 луѓе, мигранти од Пакистан и од Сирија, соопшти МВР.

„На 24.04.2022 околу 20.00 часот во близина на локалниот пат с.Стојаково – Богданци, полициски службеници од Полициската станица за граничен премин и граничен надзор „Богородица” го лишиле од слобода Џ.А.(27) од с.Црнилиште, општина Долнени, затоа што во возилото „пежо 407″ со бугарски национални ознаки, кое го управувал, биле пронајдени мигранти. Околу 19.30 часот на истата локација, полициските службеници забележале како од неговото возило и од возило „опел вектра” со бугарски национални ознаки излегуваат вкупно 18 мигранти (4 од Пакистан и 14 од Сирија). По преземени мерки, мигрантите и возилата биле обезбедени, а возачите се дале во бегство, но набргу потоа, Џ.А. бил пронајден и лишен од слобода, а се преземаат мерки дополнителни мерки за целосно расчистување на случајот“, велат од МВР.

По целосно документирање на случајот, во координација со Јавен обвинител, ќе биде поднесена соодветна кривична пријава.