Од Министерството за внатрешни работи информираат дека утринава помеѓу 02:20 и 02:50 часот по полноч,во Росоман, полициски службеници ги уапсила М.Д. и Т.П. на возраст од 33 и 34 години, за кои имало приајвата дека му се заканувале на градоначалникот на Кавадарци, Митко Јанчев и на неговото семејство.

Подоцна, со судска наредба, биле извршени претреси во нивните домови, при што биле пронајдени и одземени мобилни телефони, велат од полицијата.

Оттаму додаваат дека двајцата биле задржани во полициска станица, известен бил јавен обвинител и по целосно расчистување и документирање на настанот, против нив ќе бидат поднесени соодветни пријави.