Непосредно пред натпреварот украинската репрезентација против Македонија, претседателот на Украинската фудбалска федерација, Андриј Павелко заврши зад решетки.

Како што информираат украинските медиуми, судот во Лвов му одреди 60-дневен притвор без право на кауција.

Павелко е обвинет за проневера на средства за изградба на фабрика за производство на вештачка трева за фудбалски игралишта.

Претседателот на украинскиот фудбал кој воедно е член на Извршниот комитет на УЕФА, ќе биде сместен во истражен затвор во Украина.

Обвинет во целиот случај е и генералниот секретар на федерацијата, Јуриј Записоцки.