Поради сомневање за корупција, полицијата во понеделник по наредба на УСКОК – Канцеларијата за сузбивање на корупција и организиран криминал, уапси неколку лица на подрачјето на Задар, Паг и Загреб, соопшти хрватското обвинителството. Меѓу уапсените, според неофицијални информации како што пренесува Н1 телевизија е и поранешниот градоначалник на Паг од ХДЗ, Анте Фабијаниќ, кој неодамна ги загуби изборите.

Полициската акција се спроведува на подрачјето на Задар, Паг и Загреб во врска со неколку лица за кои постои основано сомнение дека сториле коруптивни кривични дела. По сослушувањето на осомничениот, УСКОК ќе донесе одлука за понатамошни дејствија во предметниот случај, за што навремено ќе ја информира јавноста.

УСКОК без да открие идентитети, објави дека се спроведуваат таканаречени итни доказни дејствија како што се претреси на станови и деловни простории.

На неодамнешните избори за градоначалник на Паг, кандидатот на ХДЗ, Анте Фабијаниќ загуби во вториот круг од Стипе Жуниќ од Независната младинска листа. Медиумите тогаш пишуваа дека тој бил на гласачкото место цел ден, поради што бил пријавен во Државната изборна комисија.