Полицијата синоќа го уапсила Б.К.(33) од Скопје, по големата потера во населбата Карпош 3, откако бил пријавен дека се обидел да ограби маркет на улицата „Драгиша Мишовиќ” во населбата.

Како што информира МВР, „веднаш по добиената пријава преземени се мерки и активности за пронаоѓање на сторителот, по што тој е пронајден и лишен од слобода“.

Откако жители на населбата вчеравечер сведочеа дека слушнале пукање при полициската потера, од МВР денеска појаснуваат дека полицаец испукал два предупредувачки истрели во воздух. Разбојникот во обид, откако полицијата го фатила, бил препознаен од една од вработените во маркетот кој се обидел, но не успеал да го ограби.

По целосно документирање на случајот против него ќе биде поднесена соодветна кривична пријава до надлежното обвинителство.

Пукање вечерва во Карпош, разбојник се обидел да ограби маркет – полиција го брка низ населбата