Албанските власти го уапсиле градоначалникот на Тирана, Ерион Велиај, по што премиерот Еди Рама веднаш ги откажал сите состаноци што требал да ги одржи во Скадар во текот на денот.

Велиај бил уапсен денес од страна на членови на Националното биро за истрага, по наредба на специјалното обвинителство на Албанија, извести Анадолија.
Специјалното обвинителство го истражува Велијај под обвинение за злоупотреба на функцијата, активна и пасивна корупција, непријавување на средства и перење пари
Членовите на Националното биро за истрага спровеле пребарувања на неколку деловни простории поврзани со сопругата и братот на градоначалникот на Тирана.

Премиерот Рама требало да се сретне со претставници на неговата Социјалистичка партија и градоначалници на работен ручек во Скадар денес, а потоа и со претставници на локалниот огранок на социјалистите. Неколку минути по апсењето на градоначалникот на Тирана Рама ги откажал сите состаноци и се вратил во Тирана.