Заврши петчасовната драма  откако полицијаата успеа да го уапси човекот кој се закануваше со бомба пред зградата на американскиот Конгрес.

Полицијата во Капитол соопшти дека возачот на камионот што се заканувал со бомбата во близина на Конгресната библиотека на САД во Вашингтон е уапсен

Полицијата претходно го опколила и преговарала со возачот , кој тврдеше дека во неговиот камион има бомба, пренесува Ројтерс.

Околните згради беа евакуирани, а брзаѕа помош и полицијата беа во состојба на готовност.

Шефот на полицијата во Капитол, Томас Мангер, изјави за новинарите дека мотивот на човекот е непознат, додавајќи дека возачот на камионот ја пренсувал во живо на Фејсбук целата драма од возило што го паркирал пред Библиотеката на Конгресот, спроти зградата на Конгресот.

Полицијата соопшти дека , човекот го паркирал своето возило на тротоарот и на полицаецот кој му пришол му рекол дека има бомба а во раката држел нешто што наликувало на детонатор.

Осомничениот бил идентификуван од неговата поранешна сопруга, која рекла дека сопругот страдал од шизофренија и дека во минатото на многупати и се заканувал со огнено оружје.

Асошиетед прес претходно објави дека е во тек е опсежен претрес на камионот , за кој постоеше сомневање дека е натоварен со експлозив и се наоѓа во близина на Капитол Хил и канцелариите во зградата на американскиот Конгрес.

Инаку, Претставничкиот дом и Сенатот, горниот и долниот дом на американскиот Конгрес, во моментов не заседаваат