Момче од Ниш е уапсено синоќа на улица во центарот на градот и полицијата кај него пронајде 60 таблети од синтетичката дрога МДМА, па е осомничен за нелегална трговија со дрога.

Инаку таблетите пронајдени кај 26-годишниот Д.Т., освен што имале примамливи бои и форми, биле со ликот на американскиот претседател Доналд Трамп.

– Крим полицијата го забележала Д.Т. во центарот на градот зад еден трговски центар. Тој го фрлил пакетчето што го носел и почнал да се оддалечува, но пакетчето е пронајдено, а тој фатен. Не е невообичаено на синтетичките дроги да има втиснато слика од смајли, ликови од цртани филмови, но ова е прв случај на нив да има втиснато лик на светски државник, велат извори за Блиц.

Д.Т. е осомничен за кривично дело неовластено производство и ставање во промет на опојни дроги. По налог на Вишото јавно обвинителство во Ниш одредено му е задржување од 48 часа и тој, со кривична пријава ќе биде приведен пред обвинител.

Странски медиуми пишуваа дека британската полиција ја предупредила јавноста во август да ги избегнува таблетите со ликот на Трамп зошто се многу опасни.

Во Британија неодамна е уапсен маж кој тамошниот пазар го снабдувал со портокалови таблети.

-Криминалците постојано наоѓаат нови начини за продажба на дрога и за тоа како да ја направат примамлица. Сме видел и порано таблети МДМА во форма на различни предмети од популарната култруа, а недамнешен пример се оние во форма на Доналд Трамп, рече детектив Рајан Бернс за британските медиуми.