Шпанската полиција уапси албански државјанин, кој се смета за еден од водачите на картелот „Балкански картел“, одговорен за 2,3 тони кокаин запленети пред неколку дена на рибарскиот брод „Бестарруза“ каде беа уапсени 4 членови на екипажот, меѓу кои и двајца Албанци. Останатите двајца од приведените се Аргентинец и Африканец од Кабо Верде, пренесува Ора Њуз.

Операцијата на американската ДЕА во соработка со структурите на шпанските полициски власти, според медиумите, му задала силен удар на овој картел кој товарал кокаин. Покрај запленетата дрога на бродот, при проверките во А Коруња биле откриени 200.000 евра во кеш и возило „масерати“ сопственост на шефот на групата. Албанецот успеале да да го приведат во хотел, бидејќи се упатил кон Мадрид веднаш штом дознал за запленувањето на товарот со кокаин.