Фудбалската репрезентација на Македонија до 14 години беше поразена со 3:1 од соодветната селекција на Словенија во рамките на првата контролна средба одиграна помеѓу овие две селекции на тренинг центарот „Петар Милошевски” во Скопје.

Арон Вучиќ во 37 минута ја донесе репрезентацијата на Словенија во предност од 1:0.

Две минути подоцна Јован Јанчевски го израмнува резултатот на 1:1. Али Каан во 42 минута повторно ја врати предноста на противникот.

Во продолжението, словенечките надежи преку Анте Мачукат во 90 минута ги поставија конечните 3:1.

Македонија У14: Марио Стојковски, Давид Рамадан, Филип Богоевски, Давор Таневски, Дин Розојац, Калин Аврамовски, Борис Матески, Дин Баталовски, Јован Јанчевски, Борјан Костовски, Виган Таири, Огнен Божиновски.

Вториот контролен натпревар помеѓу овие две селекции ќе биде одигран на 15 мај (четврток) со почеток од 11.00 часот.