Полскиот премиер Доналд Туск денес изјави дека за неговата земја, војната во Украина „не е апстрактна“ и дека Полска се соочувала со повеќекратни обиди за нелегално преминување на полската граница со Белорусија „секој ден“, со некои напади врз нејзините војници, вклучувајќи и жртви.

„Тоа е наша војна, и ако Украина изгуби, тоа значи наш неуспех“, нагласи полскиот премиер во своето обраќање на панел на Самитот на Европската политичка заедница во Копенхаген.

Туск рече дека провокациите од Русија во Балтичкото Море се речиси секојдневни, додавајќи дека Западот е вклучен во „нов вид војна“ со Русија.

„Добив порака од Варшава, сега имаме уште еден инцидент во близина на пристаништето Шчеќин… Имаме нови инциденти во нашиот регион, мислам на Балтичкото Море, секоја недела, речиси секој ден“, рече Туск.

Во своето обраќање, тој предупреди „дека Европа повеќе не е во предвоениот период, туку се соочува со војна“.