Турските разузнавачи кои спроведоа операција во Сирија, уапсија маж кој е осомничен за бомбашки напад што го изврши во 2013 година во близина на сириската граница, што резултираше со смрт на десетици луѓе.

Нападот се случи на 11 мај 2013 година, кога два автомобили бомби експлодираа во турскиот пограничен град Рејхани, провинцијата Хатај, при што загинаа 53 лица. Тогаш Турција за нападот обвини организација лојална на тогашниот сириски претседател Башар ал Асад. Дамаск негираше каква било вмешаност.

Турската Национална разузнавачка служба (МИТ) го лоцираше во Сирија Мухамед Диб Корали, кој е осомничен за планирање на нападот и снабдување со бомби, рече изворот. МИТ го уапси во прекугранична операција во Сирија и го предаде на полицијата во Хатај, додаде изворот.

Јусуф Назик, турски државјанин осуден на доживотен затвор за планирање на бомбашкиот напад во 2013 година, исто така беше фатен од МИТ во 2018 година во Сирија.