Турската НБА ѕвезда ја плаќа цената за „војната“ против Ердоган: Шест години не сум ја слушнал и видел мајка ми (ВИДЕО)
Кошаркарот на Бостон селтикс, Енес Кантер, објави емотивно видео во кое и испраќа порака на својата мајка која не ја видел ниту слушнал во последните шест години.
Енес Кантер е означен како непријател на државата од страна на актуелниот претседател Реџеп Таип Ердоган и неговата владеачка партија поради што му е забранет влез во Турција, додека неговите родители се под постијан надзор и не смеат да контактираат со сопствениот син.
Препорачано
Неговиот татко извесен период помина во затвор само поради политичките ставови на Кантер.
На „денот на мајката“, Кантер и испрати емотивна видео порака на својата мајка.
– Здраво мама. Денеска е „денот на мајката“, твојот ден. Поминаа шест години откако последен пат ти го видов лицето, слушнав гласот и откако не сум ја пробал твојата прекрасна храна, и шест години откако не сум ти кажал дека те сакам. Тоа најверојатно и најтешко ми паѓа. Се надевам дека си безбедна со тато и се надевам дека не си лута на мене. Знам што му направив на нашето семејство, но морав тоа да го сторам бидејќи се обидувам да ја одбранам демократијата, слободата и човековите права. Не смеам да молчам дури и по цена на жртви – и порача Кантер на својата мајка.
Ердоган и турските власти го прогласија кошаркарот на Бостон за соработник на терористите бидејќи го поддржува Фетулах Ѓулен кој беше обвинет дека пред четири години се обиде да направи преврат во Турција.
Поради тоа на Кантер му е забранет влез во татковината, а на неговите родители им е забрането да комуницираат со сопствениот син.
– Имам твоја слика во телефонот, тоа ми е највредната работа во живот. Секогаш ми предизвикува насмевка на лицето, особено по натпреварите. Многу кошаркари одат кај своите мајки и им зборуваат дека ги сакаат. Јас го земам теелфонот, ја гледам твојата слика и тоа ме прави среќен бидејќи знам дека си покрај мене. Знам дека се молиш за мене. Знам дека твојот најголем сон беше да дојдеш на натпревар и да навиваш за мене. Не се грижи, ти ветувам дека и тоа ќе се случи. Чувајте си ги мајките како да е најважната работа на светот. Се надевам дека ова е последното видео кое го снимам на „денот на мајката“ – зборува емотивниот Кантер.
