„Туркиш ерлајнс“ денес објави дека има намера да купи вкупно 225 авиони „боинг“, вклучувајќи 75 модели B787-9 и B787-10 и дополнителни 150 авиони 737-8/10 MAX, што зависи од преговорите со производителот на мотори CFM International- објави Танјуг.

Компанијата соопшти дека има 50 цврсти и 25 опционални нарачки за B787, чии испораки се планирани помеѓу 2029 и 2034 година, додека преговорите со „Ролс-Ројс“ и „ЏЕ Аероспејс“ вклучуваат мотори, резервни мотори и услуги за одржување.

„Туркиш ерлајнс“ ги заврши и преговорите со „боинг“ во врска со купувањето на уште 150 авиони 737-8/10 MAX, кои ќе бидат нарачани по успешното завршување на разговорите со „CFM International“.