Вчера беше објавено дека Мерих Демирал добил суспензија од два натпревари, но денеска од Турската фудбалска федерација тврдат дека тоа не е точно.

Турците тврдат дека информациите пренесени од најголемите германски медиуми не се точни и според нив УЕФА денеска треба да ги изнесе своите аргументи за евентуална казна.

Демирал предизвика реакции со прославата со контроверзниот „волчји“ поздрав, кој е симбол на турските десничкарски есктремисти кои веруваат во супериорна турска раса и обединување на сите турски народи во една држава, односно создавање на царство од Балканот па сè до Кина.

Сепак, се очекува информацијата која прв ја објави „Билд“ да е точна, бидејќи УЕФА е ригорозна кога се во прашање политичките пораки на терените.