Турска делегација ќе учествува во медијацискиот тим, кој денес во Катар ќе разговара со Хамас за планот на Доналд Трамп за завршување на војната во Газа, соопшти Доха.

„Делегацијата на преговарачи (на Хамас) вети дека ќе го проучи (планот) одговорно“, изјави портпаролот на катарското Министерство за надворешни работи, појаснувајќи дека вечерва ќе се одржи состанок меѓу двете страни, „на кој ќе учествува и турската страна“.

Претходно беше објавено дека Хамас „со добра намера“ го разгледува мировниот план од 20 точки, презентиран вчера од американскиот претседател Доналд Трамп, и дека се очекува да дадат одговор, што може да потрае со денови.

Израелскиот премиер Бенјамин Нетанјаху веќе го поддржа планот, но останува нејасно дали Хамас ќе се согласи и кога ќе го стори тоа.