Два дена откако 137 активисти на флотилата „Глобал Сумуд“ беа депортирани од Израел во Турција, официјална Анкара воспостави контакт со две групи од палестинската милитантна организација Хамас кои држат заложници, со кои досега немаше комуникација, објавија денес израелските медиуми. 

Порано овој месец, Турција објави апсење на осомничен агент на Мосад и започна кривична истрага за пресретнувањето на флотилата „Глобал Сумуд“ од страна на Израел за време на еврејскиот празник Јом Кипур, објавува „Јерусалем пост“.

Израелскиот премиер Бенјамин Нетанјаху изјави во неделата дека ниту еден дел од планот на Трамп нема да биде имплементиран сè додека сите 48 заложници не бидат вратени на израелска територија.

Нетанјаху ја даде оваа изјава откако Трамп еден ден претходно призна дека вршел притисок врз израелскиот лидер да го прифати неговиот план од 20 точки.