Германија и Австрија протестираа против барањето на Турција да добие ексклузивни права за рецептот за донер ќебап од Европската комисија.

„Причината е што Турција инсистира популарниот сендвич да се прави според нејзиниот рецепт само со говедско месо, ориз, домати и хот-дог. Истанбул го поднесе барањето за заштита пред една година, но Брисел веројатно ќе одбие, изјави извор од ЕК за германскиот весник „Билд“, цитиран од БТА.

Драмата околу популарната улична храна започна кога Здружението на производители на турски донери со седиште во Истанбул инсистираше на ексклузивни права за името „донер ќебап“ кога аплицираше за статус на „заштитен традиционален специјалитет“. Но, тоа би ги принудило европските производители или строго да ги следат турските рецепти или да ги преименуваат своите производи, протестираа Германија и Австрија. „Ова би значело крај на 95 проценти од донерот што моментално се продава во Германија“, рече Ердоган Ком, портпарол на германското здружение на производители на донери.

„Официјалната одлука ќе потрае. Но, земајќи ги предвид сите познати факти, веројатноста дека турскиот барател ќе успее е близу до нула“, изјави извор од Европската комисија. Барањето на Турција е „донер ќебапот“ да се подготвува само со говедско месо од животни постари од 16 месеци, специјални состојки за маринада, помалку сол и ножеви долги 55 см наместо електрични.

Покрај тоа, ориз, домати и чили пиперки треба да се стават во пита лебот. Донерот, популарен во повеќето европски земји, сепак се прави со зелена салата и млечни сосови со лук, завиткан во лаваш. Во Бугарија, задолжително се додава помфрит. Грците, од друга страна, ја полнат питата со свинско месо и кромид, прелиен со млечен сос од лук, но тие не го нарекуваат донер, пренесува Телеграф.бг.