Полицијата во Тексас вчера уапси тројца малолетници (на 11, 12 и 16 години) кои минатата недела ограбиле банка во Хјустон. Уапсени се сите тројца осомничени познати како „малите газди“.

Бидејќи се малолетни, нивниот идентитет не се објавува. На 14 март, ФБИ сподели фотографија од осомничените на Икс, велејќи дека тие ограбиле Велс Фарго и ја напуштиле банката пеш. На фотографиите се гледаат момчињата во банка, пишува Си-Би-Ес њуз.

Грабежот се случил нешто по 15 часот по локално време. Претставници на ФБИ изјавија дека малолетниците им се заканувале на вработените во банката, но сведоците рекоа дека не ги виделе како држат оружје. Засега не се знае точно колку пари украле момчињата од банката.