Српскиот актер Сергеј Трифуновиќ вчера, во 23 часот и 45 минути, на излез од Хрватска бил запрен на граничниот премин Бајаково и добил парична казна од 1.000 евра и една година забрана за влез во европските земји од Шенген-зоната, пишува „Слободна Далмација“.

Сплитската полиција издала наредба за потрага по него, поради членовите 5 и 17 од Прекршочниот законик, затоа што, по приведувањето во Судот за прекршоци, на своите профили пишувал за „малтретирање во Сплит, какво што никогаш и никаде не доживеал“.

Заменик-градоначалникот на Сплит, Бојан Ивошевиќ, тој го нарекол „мало г*мно“, а на своите профили на социјалните медиуми повторно ги навредувал и омаловажувал полицајците кои ја чувале плажата Каштелет кога неговото куче, од расата германски овчар, неконтролирано скокало меѓу капачите и пливало со актерот.

Откако на лице место ја платил казната, Трифуновиќ го продолжил патувањето кон Србија. Но, откако ја преминал границата веднаш објавил нов текст на Инстаграм, каде повторно го искажал својот став во врска со ситуацијата.

„Им благодариме на хрватските полицајци на граничниот премин Бајаково за нивната љубезност и навистина прекрасниот однос. А на нивните колеги од Сплит – за три апсења за 30 часа, психичко и физичко малтретирање и изнуда од над илјада и пол евра.

Се надевам дека ќе ги искористите тие пари за да си сошиете убави црни униформи, по моделот на Франтиќ, и дека вашите мајки, конечно, ќе бидат задоволни со своите примитивни копилиња.

Сега, Власи Брабоњци, слободно распишете уште една потерница. Ако Пленковиќ и Вучиќ го потпишат договорот за екстрадиција, нарачајте ми го задникот по пошта. Дотогаш се гледаме во Грција. Ако не, тогаш во Блајбург. Ќе бидеме на истата страна како тогаш“, напиша тој.

Сергеј Трифуновиќ доби казна од 500 евра во Сплит: „Некоја луда жена ме пријавила бидејќи пливав со кучето“