На Божиќен саем во Дортмунд вчера избила тепачка со ножеви откако две групи на луѓе се расправале за божиќна песна.

„Полицијата проверила неколку лица, но никој не е уапсен. Полицијата го одзела оружјето со кое е извршен нападот, на повредените им била укажана итна помош, а двајца се пренесени во болница“, извести локалната полиција.

Според германски Bild, станува збор за песната Oh Du Fröhliche, но засега не се познати други детали од кавгата. Како што пишува Билд, повредите не биле опасни по живот, а еден од двајцата мажи е задржан во текот на ноќта во болница на набљудување.

Неколку загрижени роднини се упатиле кон болницата, но полицијата брзо успеала да ја смири ситуацијата.

„Се уште не е сосема јасно зошто ескалирал спорот“, изјави портпаролот на полицијата, додавајќи дека се претпоставува дека се работи за баналност што предизвикала кавга меѓу семејствата.