Американскиот претседател Доналд Трамп изјави дека Третата светска војна „не е толку далеку“, но уверен е дека неговото претседателствување ќе спречи тоа да се случи.

Тој, исто така, предупреди на растечките конфликти на Блискиот Исток и Украина и ја истакна важноста од брза акција за да се спречи ескалација на глобалните конфликти.

„Ширум светот, брзо се движам за да ги прекинам војните, да ги решам конфликтите и да го вратам мирот на планетата. Сакам мир и не сакам да гледам убиени луѓе“, рече Трамп.

Зборувајќи за војната во Украина и ситуацијата на Блискиот Исток, Трамп изјави дека ќе ја прекине.

„Погледнете ги сите смртни случаи на Блискиот Исток и војната што се води меѓу Русија и Украина. Ќе ја прекинеме. Нема поента во Третата светска војна и не сме толку далеку од тоа. Да ги имавме претседателот Џо Бајден и неговата администрација уште една година, ќе бевме во Трета светска војна, а сега, за време на мојот мандат, тоа нема да се случи“, нагласи Трамп.