Американскиот претседател Доналд Трамп денес, во разговор со претседателот на Полска, конзервативниот националист Карол Навроцки во Белата куќа, изјави дека САД би можеле да го зголемат своето воено присуство во Полска и ветија дека ќе ја обезбедат одбраната на земјата.

Трамп, кој го пречека својот сојузник со прелет на воени авиони, рече дека САД имаат „неверојатен однос со Полска“, пренесува Ројтерс.

На прашањето на новинарите дали планира да ги задржи американските трупи во Полска, Трамп одговори потврдно.

„Ќе испратиме уште повеќе војници ако Полјаците го сакаат тоа“, рече тој.

Навроцки по средбата изјави дека разговарал со Трамп за зголемувањето на бројот на американски трупи и додаде дека Трамп сигурно ја гарантирал безбедноста на Полска.

Присуството на американската војска на источното крило на НАТО, вклучително и Полска, останува едно од клучните прашања за Варшава, која бара гаранции за безбедносна поддршка во услови на војната меѓу Русија и Украина.