Претседателот на Соединетите Американски Држави, Доналд Трамп, денес посочи дека извештаите дека неговиот специјален пратеник Стив Виткоф му понудил на Иран предлог за нуклеарен договор се точни.

„Тие имаат предлог, но што е поважно, знаат дека мора да дејствуваат брзо, или нешто лошо ќе се случи“, им рече Трамп на новинарите во „Ер Форс Уан“ кога беше прашан дали САД дале официјален предлог до Иран, според Си-Ен-Ен.

Трамп вчера рече дека преговарачите се „многу блиску“ до договор и дека Иран „некако се согласил“ со условите, сугерирајќи дека Иран се согласил да не прави она што го опиша како „нуклеарна прашина“.