Американскиот претседател Доналд Трамп изјави дека одлучил да воведе царини од 25 отсто на увозот од Европската унија, пренесе „Фајненшал тајмс“.

„Донесовме одлука и наскоро ќе ја објавиме. Ќе биде 25 проценти“, рече американскиот претседател за време на состанокот на владата.

Трамп изјави дека тарифите ќе се применуваат „нашироко“, иако тој конкретно рече дека тие ќе го погодат увозот на автомобили.

Тој остро ја критикуваше Европската унија и меѓу другото рече дека таа е „создадена за да ги изигрува САД“.