Американскиот претседател Доналд Трамп изјави дека израелскиот премиер Бенјамин Нетанјаху би можел да го посети веќе следната недела, во моменти кога Израел ги интензивира нападите во опколениот Појас Газа.

„Израелскиот лидер ќе дојде во нашата земја некаде во не така далечна иднина, можеби следната недела“, рече Трамп и додаде дека вчера имал телефонски разговор со Нетанјаху.

Израелскиот премиер во моментов се соочува со налог за апсење на Меѓународниот кривичен суд (МКС) за воени злосторства и злосторства против човештвото извршени од неговите сили во Газа.

Нетанјаху вчера ја посети Унгарија, што е негова прва посета на европска земја откако МКС издаде налози за апсење по него и поранешниот министер за одбрана Јоав Галант во ноември минатата година.

Групите за човекови права, вклучително и Амнести интернешенел и Хјуман рајтс воч, ја повикаа Унгарија да го уапси Нетанјаху и да го предаде на МКС. Унгарија, сепак одлучи да се повлече од МКС.

Унгарија се повлекува од Меѓународниот кривичен суд во Хаг