Претседателот на Соединетите Американски Држави, Доналд Трамп, денеска, за време на состанокот со претседателот на Јужна Африка, Сирил Рамафоса, побара од персоналот на Белата куќа да пуштат видеа кои наводно прикажуваат геноцид врз белците кои живеат во Јужна Африка.

Donald Trump starts babbling about the nonexistent “white genocide” in South Africa with the the South African president, Cyril Ramaphosa.

“We have documentaries.”

Uh. No. We do not.pic.twitter.com/WwcbhaRA9T

— Art Candee 🍿🥤 (@ArtCandee) May 21, 2025

Потоа Рамафоса го праша Трамп каде е снимено видеото бидејќи „тој никогаш не го видел“, на што Трамп одговори дека не знае.

„Имаме многу луѓе кои се чувствуваат прогонувани и доаѓаат во Соединетите Американски Држави. Генерално, ова се бели земјоделци кои бегаат од Јужна Африка и тоа е многу тажно да се види. Но, се надевам дека можеме да добиеме објаснување за тоа, бидејќи знам дека не го сакате тоа“, му рече Трамп на својот колега.

Одговарајќи на новинарско прашање за тоа што би сакал Рамафоса да направи во врска со наводниот „геноцид“, Трамп рече дека „не знае“.

Рамафоса ги негираше тврдењата на Трамп за „геноцид“ врз белците во Јужна Африка и го повика американскиот претседател да ги слушне приказните на белите членови на јужноафриканската делегација, кои исто така ги негираат обвинувањата за „геноцид“.