Американскиот претседател Доналд Трамп користел погрешна формула според која се одредени царините кон другите земји. Царините требало да бидат четири пати пониски, велат експертите.

Се поставува прашањето дали е намерна или случајна грешка.

Реципрочните царини треба да ги третираат другите земји на начинот на кој тие се однесуваат кон САД, а странските царини за американските стоки не се ни блиску до тие нивоа, пишува за Њујорк Тајмс, професор по економија на Бизнис школата на Универзитетот во Чикаго, Брент Нејман.

„Нашите наоди сугерираат дека царините треба да бидат значително пониски – можеби дури и четири пати пониски. Царинската формула на владата претпоставува дека царината наметната на една земја нема да влијае на увозот од други земји и го игнорира ефектот врз извозот. Тие претпоставки може да имаат смисла за мерки против мала трговска сила, но не и за сеопфатниот напад објавен минатата недела“ посочува Нејман.

Тој посочува дека формулата на владата користи четири различни влезни податоци за пресметување на царините, вклучувајќи увоз и извоз за секој партнер.

„Делот што директно се однесува на нашето истражување е проценката колку увозните цени се менуваат како одговор на дополнителните трошоци поради царините.Американците трошат повеќе за облека од Шри Ланка отколку што луѓето од таа земја трошат на американски лекови или турбински машини.

Вредноста на тие податоци, позната како стапка на пропустливост, не е очигледна и зависи од однесувањето на компанијата. Ако странските извозници ги намалат цените за целосно да ги компензираат царините, увозните цени остануваат непроменети, што значи дека пропустот е нула. Од друга страна, тоа може да биде 100 отсто доколку извозниците не ги променат цените, па увозните цени растат во согласност со царината“, појаснува тој.