Американскиот претседател Доналд Трамп го спречи израелскиот план за атентат врз врховниот лидер на Иран, Али Хамнеи, за време на викендот, објави „Аксиос“, повикувајќи се на неименувани извори во претседателската администрација.

Израелската војска проценила дека има можност да нападне, но Трамп не дал зелено светло за планот, велат изворите на „Аксиос“.

Според Аксиос, Белата куќа продолжува да ги поддржува целите на Израел за уништување на нуклеарните и ракетните програми на Иран, но се спротивставува на поширокиот план за соборување на Исламската Република со сила.

Еден од претставниците додаде дека Трамп сè уште може да се вклучи и да направи голем потег.