Петмина адвокати од тимот на поранешниот американски претседател Доналд Трамп се повлекоа нешто повеќе од една недела пред почетокот на неговиот случај во Сенатот, велат извори, цитирани од Си-Ен-Ен.

Буч Бауерс и Дебора Барбие, од кои се очекуваше да бидат водечки адвокати, веќе ги нема во тимот. Извор запознат со измените рече дека е заедничка одлука и двајцата да го напуштат правниот тим. Како главен адвокат, Боуерс го собра тимот.

Џош Хауард, адвокат од Северна Каролина, кој неодамна беше додаден во тимот, исто така напуштил, според друг извор запознат со промените. Џони Гасер и Грег Харис, од Јужна Каролина, исто така повеќе не се вклучени за склучајот.

Според изворите, Трамп сака адвокатите да тврдат дека изборите му биле „украдени”, наместо да се фокусира на законитоста на пресудата на претседателот откако тој замина.

На крајот на јануари, претставниците на Долниот дом на американскиот Конгрес ја доставија до Сенатот резолуцијата за импичмент на поранешниот претседател Доналд Трамп. За првпат во историјата на САД, Трамп е претседател кој двапати бил предмет на постапка за отрстранување од власт.

Самиот процес на импичмент ќе почне по 8 февруари. За време на сесиите, членовите на Претставничкиот дом ќе дејствуваат како обвинители, а сенаторите како поротници. Сенаторот од Вермонт, Патрик Ли, демократ од Вермонт, ќе го води процесот.