Трамп ги укинува субвенциите од 7 милијарди долари за инсталација на соларни панели
Администрацијата на американскиот претседател Доналд Трамп, позната по својот скептицизам кон обновливите извори на енергија, во четвртокoт објави дека ја прекинува федералната програма за субвенции за инсталирање фотоволтаични панели на покривите на стотици илјади американски домаќинства, особено во сиромашните области.
Препорачано
Како дел од Законот за намалување на инфлацијата (IRA), пресвртница промовирана од администрацијата на поранешниот демократски претседател Џо Бајден во 2022 година, делумно посветена на заштитата на климата, беше создадена програма за поддршка на фотоволтаични панели, од која се очекуваше да имаат корист повеќе од 900.000 семејства, преку различни структури и процедури.
Но, средствата наменети за тоа беа откажани, а огромниот закон за буџет на Доналд Трамп беше одобрен од Конгресот во јули, изјави вчера Ли Зелдин, раководител на федералната Агенција за заштита на животната средина (EPA). Тој преку Икс додаде дека оваа програма за субвенции се елиминира.
The One Big Beautiful Bill eliminated the Greenhouse Gas Reduction Fund, which included a $7 billion pot called “Solar for All”.
In some cases, your tax dollars were diluted through up to FOUR pass-through entities, each taking their own cut off the top!
The bottom line is… pic.twitter.com/TXS8IYhcoh
— Lee Zeldin (@epaleezeldin) August 7, 2025
Зелдин, исто така, ја осуди „неефикасноста“ на програмата поради многуте „посредници“ меѓу федералната влада и корисниците.
Според проценките на истражувачкиот центар „Атлас Јавна политика“, потрошени се само 53 милиони долари од првично планираните 7 милијарди долари.
„Доналд Трамп сака нелегално да ја поништи оваа мерка за да ги заштити бесрамните профити на своите пријатели во нафтената и гасната индустрија“, изјави сенаторот Берни Сандерс, кој ја предложи програмата.
Од јануари, администрацијата на Трамп презема чекори за елиминирање на субвенциите за проекти за обновлива енергија и олеснување на истражувањето и екстракцијата на јаглеводороди.
Исто така, планира да ги укине регулативите за емисиите на стакленички гасови и неодамна објави извештај во кој се заклучува дека климатските промени всушност би можеле да бидат корисни.
