Милиони Американци го избираат претседателот меѓу поранешниот републикански претседател Доналд Трамп и потпретседателот на демократите, Камала Харис. Американците исто така гласаат за целиот претставнички дом, како и за една третина од Сенатот.

-Трамп или Харис мора да обезбедат најмалку 270 гласови на Изборниот колеџ за да победат на претседателските избори. Како што наведуваат светските агенции според тековните проекции, кандидатот на републиканците Трамп води во сите одлучувачки држави освен во Невада бидејќи таму сè уште не започна броењето. Од она што засега е познато Трамп победи во Северна Каролина, Џорџија една од најважните колебливи држави, наведува „Ен-би-си Њуз“.

Претседателскиот кандидат Трамп ги освои Алабама, Арканзас, Флорида, Кентаки, Луизијана, Мизури, Мисисипси, Монтана, Северна Дакота, Небраска округот 3, Охајо, Оклахома, Јужна Каролина, Јужна Дакота, Тенеси, Тексас, Јута, Западна Вирџинија, Џорџија и Виоминг.

Од друга страна кандидатката на демократите Харис ги доби Вирџинија, Колорадо, Конектикат, Округот Колумбија, Делавер, Илиноис, Масачусетс, Мериленд, Њу Џерси, Дејн дистрикт, Њујорк, Роуд Ајленд, Вермонт, Калифорнија и Вашингтон.

Исто така Трамп води во гласови, досега има освоено 50,3 милиони, а Харис има 44,2 милиони гласови.

Републиканската партија ја поврати контролата врз Сенатот

Републиканската партија ја поврати контролата врз Сенатот по четири години пауза, иако сѐ уште се чекаат резултатите за седум места. Таа веќе го има потврдено потребното мнозинство од 51 место, со што Демократите го изгубија своето досегашно ефективно мнозинство од само еден сенатор.

Демократите засега имаат 42 места, додека еден сенатор, кој седи со Демократите, е независен.

Републиканците го направија пресвртот во горниот дом на Конгресот откако победија во Западна Вирџинија и Охајо, чии сенатори досега беа од редовите на Демократите.

Ако Доналд Трамп победи на претседателските избори, Сенатот во кој доминираат Републиканците ќе може да ги потврдува неговите избори за судии и номинираните функционери во неговиот кабинет.

Што се однесува до Претставничкиот дом, засега не е јасно кој ќе има мнозинство, иако Републиканците имаат победено на неколку места што би можело да им овозможи да ја зголемат својата контрола во долниот дом.