Американскиот претседател Доналд Трамп се спротиставил на идејата на градоначалникот на Њујорк Бил де Блазио да напише порака „црните животи се важни“ со огромни букви на улицата пред кулата во Менхетн наречена по Трамп.

Трамп на Твитер навел дека Де Блазио „сака да ја префарба познатата и преубава Пета авенија, баш пред Кулата Трамп, со голем жолт знак „црните животи се важни“.

– Викаат „прасиња во ќебе, испржете ги како сланина“ мислејќи на полицајците. Полицајците во Њујорк се бесни, напишал Трамп.

Told that @NYCMayor Bill de Blasio wants to paint the fabled & beautiful Fifth Avenue, right in front of Trump Tower/Tiffany, with a big yellow Black Lives Matter sign. “Pigs in a Blanket, Fry ‘Em Like Bacon”, referring to killing Police, is their chant. NYC Police are furious!

— Donald J. Trump (@realDonaldTrump) June 25, 2020

Меѓутоа, тоа не е вообичаен начин на протестирање во Њујорк, како ни во другите места од смртта на Џорџ Флојд во Минеаполис пред еден месец. Градските функционери во Њујорк најавиле дека натписот ќе биде испишан на улицата пред седиштето на Трамп во срцето на Њујорк.

– Претседателот е срам за вредностите кои сакаме да ги негуваме во Њујорк, рекла Џулија Арендондо, портпаролот на градоначалникот Де Блазио.

Таа додала и дека Трамп на тој начин нема да може да побегне и да ја избегне реалноста, бидејќи секогаш кога ќе влезе во градот кој го нарекува дома ќе се присети дека животите на црнците се важни.

Трамп живееше во Кулата пред да стапи на должноста претседател, но минатата година својата резиденција ја премести на Флорида.

Кулата и понатаму е седиште на неговата деловна империја.