Претседателот на Соединетите Американски Држави, Доналд Трамп, побара од Европската Унија да ги зголеми царините на 100 проценти за Индија и Кина, како дел од заедничките напори за зголемување на притисокот врз Русија, објави „Фајненшл тајмс“, повикувајќи се на неименувани претставници.

„Трамп побара од ЕУ да ги зголеми царините на 100 проценти за Индија и Кина, како дел од заедничките напори за зголемување на притисокот врз Русија“, објави американскиот весник.

Трговското „примирје“ официјално потпишано од Вашингтон и Пекинг беше продолжено на 11 август за уште 90 дена, што значи дека американските царини за кинески стоки се одржуваат на околу 55 проценти, а Кина сè уште применува царини од 30 проценти за американскиот извоз.

Во август, Трамп ги зголеми царините за Индија на 50 проценти поради континуираните купувања на руска нафта од страна на Индија.