Многу често малиот пациент се посматра како копија на возрасен. Детето не е копија на возрасните. Се разликува уште самото раѓање. Монографијата „Практична педијатриска радиологија – од симптом до дијагноза“ е 30 годишно искуство. Идејата и концептот е уникатен, изјави во „Утрински брифинг“ на „Слободна ТВ“, универзитетски професор, радиологот проф. Зоран Трајковски.

-Секое поглавје е насловено према водечкиот симптом. Тој водечки симптом нас ни е основа да ние разграничиме по возрасни групи кои се најчестите заболувања во детската возраст. Затоа и книгата е насловена „Практична педијатриска радиологија – од симптом до дијагноза“. Практична е затоа што кога ќе ја отворите веднаш на многу мал простор е кажана суштината за болестите, кои се основните дијагностички постапки, нешто за третманот и нешто што е многу важно – како до дијагнозата- вели универзитетскиот професор, радиолог проф. Зоран Трајковски.

Една од најтешките работи е дијагнозата во медицината, вели проф. Зоран Трајковски.