Трагичен случај ја потресе македонската фудбалска јавност
Во сообраќајна несреќа трагично згасна животот на Саше Гелов, 25-годишниот капитен на фудбалскиот клуб Росоман.
Како што информираат од Фудбалската федерација на Македонија, трагичен случај ја потресе македонската фудбалска јавност.
Препорачано
Во сообраќајна несреќа трагично згасна животот на Саше Гелов, 25-годишниот капитен на фудбалскиот клуб Росоман.
– Фудбалската федерација на Македонија и целото фудбалско семејство изразуваат длабоко сочувство до семејството и пријателите на младиот фудбалер кој го загуби животот. Слава му! – објавија од ФФМ на својот Инстаграм профил.
И ФК Росоман се огласи на својот Фејсбук профил:
– 23.04.2020, тажен ден за нашата Општина Росоман и луѓето што живеат тука. Изгубивме другар, пријател, брат и голем спортист. Почивај во мир, КАПИТЕНУ!
Гелов беше роден во Кавадарци и ја стартуваше кариерата во Тиквеш. Пред да се пресели во Росоман во 2014, една и пол година во Новаци, а беше дел и од Вардар Неготино.
Екипата на Росоман до прекинот на сезоната беше лидер во Третата лига – централен регион.
