Едно четиригодишно дете починало откако, наводно неговиот една година постар брат пронашол пиштол и пукал во него додека нивната мајка спиела.

Несреќниот Трут Олбрајт од Форт Ворт во Тексас итно бил пренесен во Медицинскиот центар Кук, каде само еден час по пукањето е  прогласен за мртов, пренесува „Дејли Мејл“.

Полицијата информира дека петгодишниот брат на малиот Трут пронашол пиштол и пукал во својот брат попладне во неделата.

Според полициските истражители кои разговарале за да утврдат дали пукањето било случајно , никој друг не е повреден во овој неверојатен и трагичен инцидент.

Портпаролот на полицијата за „Дејли маил“ изјавил дека родителите на  децата нема да бидат казнети, ниту против нив ќе биде подигнато обвинение. Според полицијата станува збор за несреќна ситуација .