Поранешниот фудбалски репрезентативец на Словенија, Горан Санкович (42) е пронајден мртов откако од петокот се водеше како исчезнат, пренесуваат словенечките медиуми.

Полицијата на Целје го пронашла мртов поранешниот фудбалер откако во петокот возел во непознат правец, а тамошните медиуми не ја соопштуваат причината за смртта на Санкович.

Од 1996 до 2001 година, играше за родниот Публикум од Целје, а потоа замина во странство.

Во Чешка настапуваше за Славија Прага, а меѓу 2002 и 2004 година играше за Аратитос и Паниониос од Грција.

Санкович беше капитен на јуниорските репрезентации на Словенија, за репрезентацијата до 21 година забележа вкупно 22 настапи, додека за сениорите играше пет пати.

Воедно со најдобрата словенечка репрезентација беше дел од Светското првенство во 2002 година.

Goran Sanković 1979-2022
Počivaj v miru
(Na sliki v dresu praške Slavije leta 2001) pic.twitter.com/bIMGe1n9iq

— Miha Zupan (@MikeDjomba) June 5, 2022