Официјалната објава за потписот на Луис Хамилтон за Ферари, каде ќе премине идната година, предизвика вистински земјотрес во Формула 1.

Шефот на Мерцедес Тото Волф, кој се надеваше дека ќе може до крајот на кариерата да смета на Хамилтон, остана со прстот в уста.

Заминувањето на седумкратниот светски шампион од Мерцедес може да генерира вистински домино ефект за сеозната во 2025 година, кога многу од возачите ги завршуваат договорите.

Сепак, најталентираните, како што се Макс Верстапен, Ландо Норис, Шарл Леклер и самиот Хамилтон, се врзани од нивните тимови.

Така, Тото Волф ќе мора да најде возач доволно конкурентен за да се бори за подиуми и победи, вистинската цел на Мерцедес. Можни се две опции за Германците: или да најдат перспективен млад човек или искусен возач.

Втората опција му одговара совршено на Фернандо Алонсо. Двократниот светски шампион го завршува договорот со Астон Мартин на крајот на 2024 година, токму кога завршува сезоната.

– До неодамна не ни помислував дека Луис ќе ми каже оти ќе вози за Ферари следната година. Затоа не би отфрлил ништо во Формула 1. Возачите одлучуваат да возат за тим или не. Тоа е зошто не би отфрлил апсолутно ништо во ниеден момент – одговорил Волф на прашањето за можното доаѓање на Фернандо Алонсо во Мерцедес а пренесува шпански „Ел национал“.

Фактор што може да го олесни потпишувањето на Фернандо за Мерцедес е одличниот однос што тој го одржува со Џорџ Расел, возачот на овој тим.

Хамилтон за преселбата во Ферари: Ова беше најтешката одлука во мојата кариера