Министрите за одбрана и внатрешни работи, Владо Мисајловски и Панче Тошковски, денеска се сретнале со турскиот министер за национална одбрана, Јашар Ѓулер.

„Му се заблагодарив на министерот Ѓулер за континуираната поддршка од страна на Турција особено во развојот на армиските капацитети. Македонија и Турција, делат заедничка визија, а нашата долгогодишна активна одбранбена соработка дава силен придонес во одржување за стабилноста и безбедноста на регионот“, напиша Мисајловски на социјалните мрежи.

„Наша заедничка цел е да продолжиме да го зајакнуваме партнерството и да поттикнеме размена на знаење и стручност во сите области кои ќе придонесат за натамошен развој на двете земји“, додаде тој.