Тони Атанасов го наследи Горзад Михаилов на клупата на Брера
Екипата на Брера преку клупските канали потврди дека нов тренер на првиот тим е Тони Атанасов кој пристигнува на местото на Горзад Михаилов.
Препорачано
Заедно со Атанасов на клупата на Брера доаѓа и Панче Стојанов кој ќе биде негов помошник. Во стручниот штаб на струмичкиот клуб ќе бидат уште: Атанасов и Стојанов со Дарко Коцев како кондиционен тренер и Ѓорги Шопов како тренер на голманите.
„Подготвките ги започнуваме утре сабота и до стартот на вториот дел од првенството ќе работиме на подигнување на физичката кондиција но и на техничко тактички план. Според планот ќе се работи секојдневно а планирани се и неколку контролни средби со кои ќе се подигне нивото на екипата за првенствените и куп мечевите напролет. Паралелно како клуб работиме и на ангажирање фудбалери кои заедно со потенцијалот што го поседуваме ќе го носат товарот во преостаниот дел од првенството“, изјави Атанасов.
Брера во ПМФЛ по првиот дел од сезоната се наоѓа на осмата позиција со осум освоени бодови и тоа не беше доволно Михаилов да го задржи местото.
