Томико Итока (116) од Јапонија е најстарата личност на светот, објави Гинисовата книга на рекорди. Итока ја презеде титулата од Марија Брањас Морера од Шпанија, која почина пред неколку дена на 117-годишна возраст.

Геронтолошката истражувачка група потврди дека Јапонката е родена на 23 мај 1908 година, а кога ѝ рекле дека станала најстара личност на светот, таа накратко рекла: „Благодарам“, пренесе „Јуроњуз“.

Мајката на четири деца моментално живее во старечки дом во Ашија.

Родена е во Осака, а играла одбојка во средно училиште. Се омажила на 20 години и родила две ќерки и два сина. За време на Втората светска војна, таа работела како канцелариски работник на местото на нејзиниот сопруг во текстилна фабрика.

Имала многу активен живот и често планинарела, а меѓу другото го освоила и врвот Ниџо на планинскиот венец Конгу во Јапонија. Во седумдесетите, двапати се искачила на планината Онтаке висока 2.067 метри, облечена во обични патики.

Аватуристичкиот живот го продолжила и по нејзиниот 80. роденден, па учествувала на аџилак во манастирите во близина на Осака, каде пеш посетила 33 храмови. На стогодишна возраст, без помош на планинарски стап, се искачила по камените скали на храмот во Ашиа.

Инаку, Итока сака да јаде банани, а денот го започнува со пијалок на база на јогурт.

Таа пред три месеци го прослави роденденот, а од градоначалникот доби торта и честитка.