Том Круз предизвика гласини за нова роматична врска откако почна интензивно да се гледа со шпанската пејачка, која ја запозна на фестивалот Гластонбери.

Оттогаш холивудскиот актер постојано ја канел Викторија Канал (25) на филмскиот сет на филмот „Невозможна мисија 8“, па дури и ја превезувал со својот хеликоптер.

Актерот и пејачката најпрво станале пријатели по средбата на британскиот фестивал во јуни, но сега нивната врска прераснала во нешто повеќе, велат извори за „Сан“.

Членовите на филмската екипа велат дека „гостинката“ на актерот поминува долго време на сетот: „Том ја покани Викторија да го гледа снимањето цел ден и тоа едноставно не е нешто што го прави за неговите случајни пријатели“.

Истакнувајќи ја разликата во возраста на парот од 37 години, инсајдерот продолжи: „Можеби изгледаше малку веројатно дека тие ќе станат нешто повеќе од пријатели, но тие се прилично неразделни. Постојано се гледаат и Викторија е прекрасна. Сето тоа се случува на очиглед на сите“.

Тие првпат се запознале откако Викторија им се придружила на „Колдплеј“ на сцената на Гластонбери заедно со Мајкл Џеј Фокс.

Само неколку дена подоцна, тие беа видени на премиерата на филмот „Twisters“ на плоштадот Лестер во Лондон, каде што пристигнаа со неговиот хеликоптер.