Чешкиот тинејџер Јакуб Менсик кој го совлада Ѓоковиќ во финалето на турнирот во Мајами раскажа интересна анегдота во која вели дека бил блиску да се откаже од својот настап.

Менсик на само 19 години успеа да стигне до својата прва Мастерс титула, а Ѓковиќ го победи со 2-0 во сетови, двапати со 7-6.

Но, Чехот воопшто можел да не биде во финалето бидејќи сакал да се откаже во првиот меч поради болки во коленото.

„Потпишав документ за откажување од турнирот поради силни болки во коленото. Тргнав да го предадам на судијата, но тој тогаш беше на ручек. Го чекав да заврши и отидов кај физиотерапевтот Алехандро кој направи чудо. Токму поради него сега стојам тука, успеа многу брзо да ме опорави“, раскажа Менсик.